Ka lo vei ruk - H.Lalduhawma, Bairabi PHC

Khawiah pawh awmin khawi hmunah pawh zin mah ila, mihring kan nih chhung chuan chanchin duhawm leh duhawm lo kan bul hnai ami emaw kan hlat deuh ami emaw pawh nise hriat kan chakin hmuh hial pawh kan duh thinin a rinawm. Chutihlaiin, kan veng/khuaah ngei pawh hian kan inang lo nuai maithei.

Bairabi khuain kan Chanchinbu neih chhun YMA THIAN Bairabi ‘S’ Br, in an theih ang ang chanchin lakhawma an chhuah thin hi a lawmawmin kartawp ni tawh se tiin kan ka lo nghakhlel thin hle a, tualchhung NGO hrang hrang te leh Kohhran tlema a langsar deuh te programme; entirnan Inkhawmpui tih ang te leh Department hrang hrang dinhmun te leh kan vengchhung ngeia kan hriat loh kan lo hriat hian min ti bengvar em em in ka hria a. Hetianga, harsatna tam tak karah sum leh pai indaih lo chung pawha an theihna, finna, an tha leh sum senga mipui hriattur pawimawh zualte an rawn tarlang thei te hi an fakawm hle in ka hria.

Mahse, ka vei ruk ber erawh chu; kan duha hriat kan chaka kan lo bengvar ve theihna kawng awmchhun ni bawk si, a man pe tha duhlo kan awm zeuh zeuh erawh hi chu mi pangngai tih chi a ni ber em le? tih zawhna hi ka’n siam ve duh a. Editorial Board in sum leh pai indaih lo avanga tihtawp an tum niawm thawm te ka’n lo hriatin a latu lam hian a hranpaa kan puih theih loh pawhin kan lakna man tal hi chu pe tha ila a duhawm hle mai. Kan bengvarna ber an ti tawp mai ang tih a hlauhawm em a, a pe thalo te pawhin tan i han lak pui teh ang u.

Tin, kan sel leh lawk si teh ang, YMA THIAN-ah hian infiamna lampang chanchin hi a awm thuiin hmun a awh zau lutuk a, chung ai chuan thildang chanchinthar lakkhawmnaah hian Editorial Board-te han tang leh sauh sauh ula a duhawm takzet a ni.

YMA THIAN tluang taka kal zel turin ka duhsakna ka hlan e.