A/C transfer mek

Tunlai hian Bairabi Branch State Bank hawn a nih leh tak avangin NREGS hnuaia Job Card Holder, State Bank of India Kolasib Branch-a account hawngte chuan Bairabi Branch-ah an account an transfer mek. Thu dawn danin khawtlang hruaitute leh Bank lam hotute inbia in Account transfer hi a hlawmin VC ten an buaipui nia hriat a ni.

A/C transfer mek

Tunlai hian Bairabi Branch State Bank hawn a nih leh tak avangin NREGS hnuaia Job Card Holder, State Bank of India Kolasib Branch-a account hawngte chuan Bairabi Branch-ah an account an transfer mek. Thu dawn danin khawtlang hruaitute leh Bank lam hotute inbia in Account transfer hi a hlawmin VC ten an buaipui nia hriat a ni.

A/C transfer mek

Tunlai hian Bairabi Branch State Bank hawn a nih leh tak avangin NREGS hnuaia Job Card Holder, State Bank of India Kolasib Branch-a account hawngte chuan Bairabi Branch-ah an account an transfer mek. Thu dawn danin khawtlang hruaitute leh Bank lam hotute inbia in Account transfer hi a hlawmin VC ten an buaipui nia hriat a ni.

NR inhlawhna sum awm tawh

Tunhnaia MNREGS hnuaia inhlawhna pawisa chu November ni 18 khan cheque hmangin Bilkhawthlir leh Thingdawl Block tan Kolasib DRDA office chuan Rs 2,05,00,810/- pekchhuah tawh niin Job Card Holder te hnenah sem thuai beisei a nih thu dawn a ni.

NREGS hnuaia Bairabi khua Job Card holder inhlawhna hi Dt 20.11.2014, Ningani khan neih tura ruahman a ni a, amaherawhchu khawtlangah chhiat tawk an awm vangin thulh a ni.

MZI inbuatsaih mek

Mizo Zaimi Insuihkhawm Pawl (MZI) Bairabi Branch te chuan kumtawpa Charity Concert nei turin an inbuatsaih mek. Concert atanga sum an hmuh te hi Krismas denchhenin khawchhunga mi harsate tanpuinan an hmang dawn a ni. Charity Concert hi Dt 11.12.2014, ah hian neih an tum nia thu dawn a ni.

NLUP sem

Dt 20.11.2014, Ningani khan Bairabi-ah NLUP 2nd Phase, Horticulture Department hnuaia beneficiaries te hnenah sem a ni.

Middle School Zonal Sport nei

Bairabi Zone Middle School Sport chu November ni 17, Thawhtanni atang khan neih a ni. He sport-ah hian Bairabi khawchhung leh khaw pawna sorkar school bakah Bairabi khaw chhunga private school te an tel a, Sport hi Dt 21.11.2014, Zirtawpni khan tluang taka zawh a ni. 

Students Meet buatsaih dawn

Mizo Zirlai Pawl Bairabi Sub-Hqrs chuan kum 2014 December thla hian Bairabi-ah Students Meet cum Career Guidance programme a buatsaih dawn.

He hunah hian Bairabi-a zirlaite infuihtharna hun; zirnaa hlawhtlin dan leh eizawnna kawng zawn dan te, zirlaite chu ram leh khawtlang tana mi tangkai leh tihmingtha theitu an nihzia te hmanga infuihthar a ni anga, Bairabi khua atanga zirlai degree course pass thar chawimawina hun hman a ni bawk dawn nia thu dawn a ni. 

MZP in hma la mek

Mizo Zirlai Pawl Bairabi Sub-Hqrs chuan MZP General Assemly rorel bawhzuiin Bairabi huamchhunga hnamdang dan lova awm te leh dan lova sumdawngte dapchhuah hna a kalpui mek. MZP Bairabi Sub-Hqrs te hian hnamdang dapchhuah hna hi chak takin an kalpui a, Inner Line Permit dik taka hman a nih theihna turin hma an la bawk.

State Bank of India, Bairabi Branch hawng dawn

Hun rei tak Bairabi-ah State Bank a awm loh hnuin hawn a ni leh ta a, Dt 26th November 2014, Nilaini chawhnu dar khat hian Official-a hawnna neih a ni dawn.

State Bank hawnna programme hi Zampuimanga Hall-ah neih a ni anga, Kolasib District Deputy Commissioner Pu Jitendra Yadav, IAS chu khuallian niin State Bank of India Bairabi Branch hi a hawng ang. He programme-ah hian Bairabi khua atangin khawtlang leh NGO hrang hrang hruaitu te bakah School thenkhat atanga sawm bik te an tel dawn nia thu dawn a ni.

Tarlan tawh angin Bairabi Branch State Bank hi November ni 4, 2014 atang khan mipuite dawr theiha hawn chu a ni tawh a, official-a hawnna hi neih a ni leh dawn a ni.

YMA Gen. Conference inbuatsaihna kal zelah Joint Committee nei

Ruahman lawk angin Dt 21.11.2014, Zirtawpni chawhma dar 10:30 khan kum 2015 YMA General Conference Zampuimanga Group YMA in Bairabi-a kan thlen tur puala Organising Committee din tak Office Bearers te leh Sub-Committee hrang hranga Office Bearer tura ruat te leh Zampuimanga Group hruaituten Joint committee meeting an nei.
He committee-ah hian Sub-Committee hrang hranga committee member tur ruat a ni a. 70th YMA Gen. Conference 2015 Sub-Committee hrang hrang te hian Organising Committee in ruahmanna a siam angin Budget an siam anga, chung budget estimate an siam te chu Organising Committee-ah thehlut lehin kum 2015 January thlaa Organising Committee neih hunah thlir hova a remchang anga pawm a ni dawn a ni.
Kan tarlan tawh angin Organising Committee hian YMA Gen. Conference kan thlen tur atan hian Sub-Committee 12 a din a ni.