Pu C Laldawngliana District Fisheries Development Officer Kolasib District chuan Luidung humhalh tha te hnena lawmman semna inkhawm hi a kaihruai a, He hunah hian Pu CT Mawia, Khuallian chuan thu sawiin, tun hunah Luidung humhalh tha te hnenah lawmman kan sem a, hei hi a lawmawm em em rualin tun a mite hi chuan tihsual tam tak kan lo nei tawh a, Sangha te pawh Bomb hmangte, Dynamo leh Ru hmangte, Damdawi hmangte a hraiin kan lo man tawh thin a. Luidung a nungcha te humhalh tur hian tuna naupang te hi an pawimawh a, anni hian kan lo tihsual tawhte an rawn chhunzawm loh a, luidung a nungchate an humhalh chhunzawm zel a tul a ni a ti.
Pu CT Mawia chuan, khawvel changkang zelah hmasawnna tam tak hmuh kan
nei a, hengte hi a tha zawnga kan chhawr tangkai thiam a tul a, kan
inchhir tawh lohna tur thil kan tih a ngai a, thil kan tihin tih tak
takna nen hma kan lak a tul a, tih tak takna tel lo chuan engmah hi a
hlawhtlin theih loh a ni a ti bawk. Khuallian chuan, eng pawh a thlawna
dawn duhna rilru kan neih hi kan thatpui lova, sorkar hmalakna te a
thlawna dawn duhna kan neih hian nasa takin Mizo mipuite min ti chhe
tawh a ni a ti a. Engkimah Pathian rinchhana hma kan lak chuan kan ram
hi a dingchhuak anga, Luidung humhalh tura inzirtirte pawh a tul tawh
lovang a ti bawk.
Inkhawm kaihruaitu Pu C Laldawngliana DFDO Kolasib chuan Dept in Luidung humhalh a tul thute hi sawi thin mah ila awmzia a awm tak tak thei lova, Dept lamin hma kan lakna ai chuan YMA ten hma an lak hian awmzia a nei thui zawk a ni a ti.
Luidung humhalh tha Saipum YMA, Bilkhawthlir Jt YMA , Bairabi North Br. YMA leh Bairabi South Br. YMA te hnenah hian Khuallian Pu CT Mawia hian lawmman Rs 40,000/- (Cheng Singli) theuh leh thuziak a hlan a. Heng YMA te hian Tlawng, Serlui, Chemlui leh Teide lui te humhalhin heng luiah te hian sangha chi te pawh an lo chhuah tawh thin a, an humhalh chhunga Sangha man an hmuhte chu zilhin action te pawh an lo la tawh thin a ni.
He programme-ah hian Bairabi khaw chhunga NGO hrang hrang te, Department hrang hrang te leh School hrang hrang te sawm an nih angin an kal tha hle a, mi 300 chuang zet kalkhawmin programme hlawhtling tak hman a ni.
Inkhawm kaihruaitu Pu C Laldawngliana DFDO Kolasib chuan Dept in Luidung humhalh a tul thute hi sawi thin mah ila awmzia a awm tak tak thei lova, Dept lamin hma kan lakna ai chuan YMA ten hma an lak hian awmzia a nei thui zawk a ni a ti.
Luidung humhalh tha Saipum YMA, Bilkhawthlir Jt YMA , Bairabi North Br. YMA leh Bairabi South Br. YMA te hnenah hian Khuallian Pu CT Mawia hian lawmman Rs 40,000/- (Cheng Singli) theuh leh thuziak a hlan a. Heng YMA te hian Tlawng, Serlui, Chemlui leh Teide lui te humhalhin heng luiah te hian sangha chi te pawh an lo chhuah tawh thin a, an humhalh chhunga Sangha man an hmuhte chu zilhin action te pawh an lo la tawh thin a ni.
He programme-ah hian Bairabi khaw chhunga NGO hrang hrang te, Department hrang hrang te leh School hrang hrang te sawm an nih angin an kal tha hle a, mi 300 chuang zet kalkhawmin programme hlawhtling tak hman a ni.
